Gaullismu

El gaullismu (francés: gaullisme) ye una ideoloxía política francesa basada nes idees y polítiques presidenciales de Charles de Gaulle.

El gaullismu ye mayormente conservador. Defende una conceición d'estáu centralistal y da-y importancia a la trescendencia de Francia nel aspeutu internacional. Los gaullistas son polo xeneral drecha moderada, nacionalistes y tienen estremaes posiciones al respeutive de la integración europea.

Dientro del gaullismu tóquense dos puntos contrarios. Los sos simpatizantes per un llau, aspiren al tradicionalismu cultural y social, y d'otru, amuésense abiertos a la modernización téunica y económica. Dempués de la fin de la Cuarta República Francesa en 1959 el gaullismu surdió como filosofía dominante na Quinta República Francesa y foi'l movimientu políticu dominante hasta la dimisión de Charles de Gaulle como Presidente en 1969.

El gaullismu espresóse al traviés de la creación d'estremaos partíos políticos. La so marca eleutoral inicial foi Aconceyamientu del Pueblu Francés (Rassemblement du Peuple Français, RPF) (1947-1952) - partíu fechu y disueltu por De Gaulle. Darréu, ente 1953 y 1958, el grupu parllamentariu gaullista denomóse Unión de los Repúblicanos d'Aición Social (URAS) y llueu republicanos-sociales.

Dempués, el gaullismu tuvo representáu nos partidos políticosque vienen darréu (de Gaulle nun yera militante y adscribíase como independiente) que sofitaben y dáben-y la mayoría parllamentaria al Presidente. En resume, foron estos:

• Xunión pola Nueva República (Union pour la Nouvelle République, UNR) (1958-1962)
• Xunión Demócratica del Trabayu (Union Démocratique du Travail, UDT) (1958-1962)
• Xunión pola Nueva República-Xunión Demócratica del Trabayu (UNR-UDT) (1962-1967)
• Xunion de Demócratas por la V República (UDVe) (1967-1968)
• Xunión pola Defensa de la República (Union pour la Défense de la République, UDR) (1968-1976)
• Aconceyamientu pola República (Rassemblement pour la République, RPR) (1976-2002)
• Xuión por un Movimientu Popular (Union pour un Mouvement Populaire, UMP) (2002-p'alantre)